"فراغ" الكاتبة هبة الله وليد العمد

الوحش الوحيد لقادر على افتراس الناس بجلدها وعظمها

الشي الوحيد لقادر ينبش ماضينا، حاضرنا، وممكن مستقبلنا

وباللحظة يلي بتفكر حالك نسيت، تجاوزت، ممكن الفراغ يرميك بوسط دوامة الموقف لهربت منو، ويمحي كل المحاولات الجبارة يلي اشتغلت عليها لتساند حالك

لهيك، أكبر عدو إلك بأي ظرف، أزمة، زعل، قهر

( الفراغ)، لهيك حاربوا بكل الوسائل لبتحسن عليها، ولا تخليه يلتهم كلشي فيك، بالوقت يلي فيك أنت تقضي عليه

ممكن بمشوار، بمكالمة، بهواية، برواية، بدراسة

و باللحظة لبتعرف فيها  إنو الفراغ  عدوك، تحرك، قاوم، لا تسمح للخمول واليأس يسيطر عليك، أنت قادر تتخطى كلشي، وتبني حياة مُتخمة بالتفاصيل . ♥️